اپنے فون کو ڈیجیٹل مائیکرواسکوپ بنائیں

اٹلی: اطالوی ماہرین کے تیارہ کردہ مائیکرو لینس سے کسی بھی اسمارٹ فون کے کیمرے سے اُن چیزوں کی بھی اعلیٰ معیار کی تصویریں بنائی جا سکتی ہیں جنہیں انسانی آنکھ سے دیکھنا ممکن نہیں ہوتا۔
چھوٹی سے چھوٹی چیزوں کے مشاہدے کے لیے مائیکرو اسکوپ کا استعمال کیا جاتا ہے اور ان کی تصاویر بنانے کے لیے خصوصی کیمرے درکار ہوتے ہیں۔ اٹالین انسٹی ٹیوٹ آف ٹیکنالوجی کے تعاون سے اسمارٹ مائیکرو آپٹکس کمپنی نے ایک انتہائی چھوٹا سا لینس تیار کیا ہے جو کسی بھی اسمارٹ فون کے کیمرے کے اوپر باآسانی چپکایا جا سکتا ہے۔
اس مائیکرو لینس کو بلپس کا نام دیا گیا ہے۔ یہ لینس ایک چھوٹے سے بینڈ پر مشتمل ہے اور اس میں چپکنے کی صلاحیت بھی موجود ہے۔ اسمارٹ فون کے کیمرے پر اسے چپکانے کے بعد انتہائی چھوٹے سائز کی چیزوں جیسے کہ انسانی جلد کے خلیوں، انتہائی چھوٹے حشرات یا کسی بھی چیز کا نہ صرف مشاہدہ کیا جا سکتا ہے بلکہ ان کی انتہائی اعلیٰ معیار کی تصاویر بھی بنائی جا سکتی ہیں۔ اس لینس کو اینڈروئیڈ اور آئی او ایس ایپلی کیشن کے ذریعے استعمال کیا جاتا ہے۔ بلپس مائیکرو لینس کی قیمت لگ بھگ 2200 پاکستانی روپے کے برابر ہو گی جس کی وجہ سے تحقیق سے دلچسپی رکھنے والے طلبہ کو بھرپور مدد ملے گی۔

پنھنجي راءِ لکو