ویرے دی ویڈنگ: ‘لڑکیوں کی زندگی پر مبنی پہلی فلم’

ممبئی: بولی وڈ میں بہت سی فلمیں دوستوں اور ان کے دلچسپ سفر پر بنائی جاچکی ہیں لیکن مکمل طور لڑکیوں کی زندگی پر کوئی فلم بنائی گئی ہو، ایسا بہت کم ہی ہوا ہے۔

لیکن اب لڑکیوں کی زندگی پر مبنی ایک فلم ’ویرے دی ویڈنگ‘ بنائی جارہی ہے جس میں کرینہ کپور خان مرکزی کردار ادا کریں گی جبکہ سونم کپور بھی فلم میں ایک اہم کردار میں نظر آئیں گی۔

انڈین ایکسپریس کی ایک رپورٹ کے مطابق کرینہ کا اس فلم کے حوالے سے کہنا تھا کہ ’یہ ہندوستان کی شاید پہلی فلم ہوگی جو لڑکیوں پر بنائی جارہی ہے، یہ چار سہیلیوں کی کہانی پر مبنی فلم ہے، جو میرے کردار کی شادی کے لیے اکھٹی ہوں گی، فلم کافی دلچسپ ہے‘۔
کرینہ کا مزید کہنا تھا کہ ’کوئی بھی صرف لڑکیوں پر فلم نہیں بناتا، اگر چار لوگوں پر فلم بنائی جائے گی تو اس میں 2 لڑکے ضرور ہوں گے‘۔

کرینہ نے کہا ’بدلتے ہوئے وقت اور سنیما کے ساتھ میرے خیال سے اب ایسی فلمیں بنانا آسان ہے، یہ ایک مضبوط کہانی ہوگی جو خواتین کو بااختیار بنائے گی‘۔

پنھنجي راءِ لکو