تاریخ اشاعت:2010-03-25

تاریخ اشاعت:2010-03-25

تاریخ اشاعت:2010-03-24

تاریخ اشاعت:2010-03-23

تیرا میرا ساتھ رہے
ممبئی کے شاندار فائیو سٹار ہوٹل میں پارٹی شباب پر تھی۔ کرن جوہر نے اپنی ماں ہیرو جوہر کے لیے پارٹی منعقد کی تھی۔ نصف شب کے بعد ایک جوڑا ہاتھ میں ہاتھ ڈالے اندر داخل ہوا اور جیسے وقت تھم گیا۔ سب کے منہ کُھلے کے کُھلے رہ گئے۔ حیرت کیوں نہ ہوتی وہ منظر سب کے لیے چونکانے والا ہی تھا۔ ارے بھئی رانی مکھرجی اپنے’انتہائی قریبی دوست‘ آدتیہ چوپڑہ کے ساتھ پارٹی میں پہنچی تھیں۔ یش چوپڑہ کے بیٹے آدی جو اپنی نجی زندگی میں کسی کو شامل ہونے نہیں دیتے اور رانی اُنہی کی وجہ سے آج کل پارٹیوں سے دور دور رہتی ہیں، اب اچانک دونوں کا اس طرح پارٹی میں آنا جھٹکا تو لگے گا ہی نا

!!
کرینہ ماڈرن ممی
کی کرینہ فلم ' را۔ ون ' میں ایک آٹھ سالہ بچے کی ماڈرن ممی بنی ہیں۔
نا ابھی کرینہ کی شادی نہیں ہوئی ہے وہ تو شاہ رخ خان کی فلم ’را۔ ون‘ میں ایک آٹھ سالہ بچے کی ماڈرن ممی بنیں گی۔ اب اگر فلم میں شاہ رخ ہوں تو کون سی اداکارہ ان کے مقابل کام کرنے سے منع کرے گی۔ ایسا ہی کچھ کرینہ بے بی کے ساتھ ہوا۔ انہوں نے ممی بننے سے انکار نہیں کیا لیکن شرط رکھی کہ وہ ( ممیوں )ماں جیسے انداز میں لباس نہیں پہنیں گی۔ ہم سمجھ سکتے ہیں بے بی کہ آپ کو ماں بننے سے ڈر لگتا ہے اسی لیے تو شاید آپ نے سیف کو قبول کر لیا لیکن ان کے بچوں کے ساتھ آپ کو کبھی کسی نے وقت گزارتے نہیں دیکھا کیوں ہم ٹھیک کہہ رہےہیں نا؟

تیرہ کھلاڑی ایک حسینہ
پرینکا چوپڑا کو بالی وڈ کے ایک بہترین اداکارہ کے طور پر جانا جاتا ہے
آپ نے سنا تھا تیرہ حسینائیں اور ایک کھلاڑی اکشے کمار۔ ٹی وی کے اس خطرناک گیم شو ’فیئر فیکٹر‘ کے تیسرے سیزن میں اب کرکٹ کے تیرہ کھلاڑی ہوں گے جو اس گیم شو میں حصہ لینے والے ہیں لیکن ان کے سامنے کھلاڑی اکشے کے بجائے ایک حسینہ پرینکا چوپڑہ ہوں گی!! گریٹ نا؟ لیکن اگر آپ نے پرینکا کی فلمیں دیکھی ہیں تو آپ کو پتہ ہی ہو گا کہ وہ کس طرح فلموں میں خطرناک سٹنٹ کرتی ہیں بس اب اگر ہم یہ کہیں کہ تیرہ کھلاڑیوں کی ماسٹر حسینہ کھلاڑی کا شو تو بیجا نہیں بلکہ آپ کہیں گے بجا فرمایا۔

باپ بیٹے کی ایک ہی بیوی
توبہ توبہ ایسا کہیں ہو سکتا ہے کیا؟ لیکن ہاں ایسا فلموں میں ہو سکتا ہے کیونکہ یہ تو ڈراما ہے نا۔ فلمساز وشال شیکھر کی فلم ’سات خون معاف‘ میں اداکارہ پرینکا چوپڑہ کے سات شوہر ہیں۔ شیکھر نے پہلے شوہر کے طور پر نصیرالدین شاہ کو سائن کیا ہے اور پرینکا کے سب سے چھوٹے یا یوں کہہ لیجئے آخری ساتویں شوہر کے لیے شیکھر نے نصیر کے سب سے چھوٹے بیٹے ووان شاہ ( نصیر کی دوسری بیوی رتنا کا بیٹا ) کو لیا ہے۔ ہے نا دلچسپ۔

افواہوں کے لیے تیار رہیے
قطرینہ کیف اور رنبیر کپور آنے والی راجنیتی میں ایک ساتھ دکھائی دیں گے
اپریل کا مہینہ آیا کہ رنبیر کپور اور قطرینہ کیف کی دوستی کے چرچے شروع ہو جائیں گے۔ ہر ٹی وی چینل پر چٹپٹی مسالے دار خبروں میں آپ دیکھ اور سن سکیں گے کہ دونوں میں قربتیں بڑھ گئی ہیں۔ آپ یہ مت سوچیے کہ ہم کوئی جیوتش ہیں اور پیشن گوئی کر رہے ہیں ارے بھئی اپریل میں کیٹ اور رنبیر اپنی آنے والی فلم ’راج نیتی‘ کی تشہیر کے لیے ملک کے آٹھ شہروں کے کالجوں میں جائیں گے اور طلباء کے ساتھ ملاقات کریں گے۔ اب اس سے پہلے جب دونوں ایک ساتھ فلم میں کام کر رہے تھے تو ان کی قربتوں کی خبریں عام ہوئی تھیں اور افواہیں تیزی کے ساتھ گشت کر رہی تھیں تو پھر اب؟

یہ نزدیکیاں
کنگ اور کنگ میکر کے درمیان نزدیکیاں بڑھتی جا رہی ہیں۔ پہیلیاں بوجھانے کے بجائے ہم بتا دیں کہ کنگ خان یعنی شاہ رخ خان اور فلمساز ودھو ونود چوپڑہ کے درمیان ملاقاتیں بڑھ گئی ہیں اور اگر خبروں پر یقین کریں تو خان چوپڑہ کی آنے والی فلم ’فراری کی سواری‘ میں کام کریں گے۔ لگتا ہے دونوں نے اپنی پرانی رنجشیں بھُلا دی ہیں۔ اچھا ہی ہے بھئی ہم تو چاہتے ہی ہیں کہ منا بھائی اور تھری ایڈیٹس کی طرز پر پھر کوئی بلاک بسٹر فلم بنے۔
 

تاریخ اشاعت:2010-03-17

فلم ’دی بلائنڈ سائیڈ‘ کے پریمیئر کے منتظمین کا کہنا ہے کہ آسکر ایوارڈ یافتہ اداکارہ سینڈرا بولاک کی عدم شرکت کے باعث فلم کا پریمیئر ملتوی کر دیا گیا ہے۔

وارنر برادرز کے ترجمان کا کہنا ہے کہ سینڈرا بولاک جنہوں نےگزشتہ ہفتے بہترین اداکارہ کا ایوارڈ جیتا تھا نامعلوم اسباب کے باعث برطانیہ نہیں آ سکیں گی۔

یاد رہے کہ فلم ’دی بالائنڈ سائیڈ‘ کا پریمیئر اگلے منگل کو لندن میں منعقد ہونا تھا۔

امریکی میڈیا کی غیر مصدقہ اطلاعات کے مطابق فلم کا پریمیئر اداکارہ کی شادی کی وجہ سے ملتوی کیا گیا ہے۔

پریمیئر کی منسوخی کے باوجود یہ فلم ٹکٹ ہولڈروں کو لیسٹر سکوائر کے اوڈن ویسٹ اینڈ میں دکھائی جائے گی۔

واضح رہے کہ یہ فلم برطانیہ میں رواں برس ستائیس مارچ کو ریلیز کی جائے گی۔

اس فلم کی کہانی امریکی فٹ بالر مائیکل اوہر کی سچی زندگی پر مشتمل ہے جس میں انہیں ایک بےگھر سے سپورٹس کا بہت بڑا سٹار بنتے دکھایا گیا ہے۔

پینتالیس سالہ اداکارہ نے اپنے شوہر جیسی جیمز کے ہمراہ رواں برس سات مارچ کو ہونے والے آسکر ایوارڈ کی تقریب میں شرکت کی تھی۔

سینڈرا بولاک نے اپنا آسکر ایوارڈ اپنی ماں کے نام کیا تھا۔

تاریخ اشاعت:2010-03-12

تاریخ اشاعت:2010-03-10

صفحہ نمبر:10-09-08-07-06-05-04-03-02-01