ہندوستان میں آپ کا سلسلہ قادریہ سلطان سکندر خاں لودھی کے عہد حکومت میں جناب سید محمد غوث گوالیاری سے پھیلا۔ جناب غوث نو واسطوں سے اپنے جدّ امجد جناب سید عبدالقادرجیلانی سے جا ملتے ہیں۔ جناب غوث علاقہ اوچھ ضلع ملتان کے قریب ٨٢٤١ءمیں مقیم ہوئے۔ آپ کے زمانے میں ہندوستان کی مذہبی فضا کو ہموار کرنے کی کوشش کی جا رہی تھی اور اس کے لیے ہندوئوں اور مسلمانوں کے معتقدات کو باہم ملا کر ایک ایسا گروہ پیدا کیا جا رہا تھا۔ جس کی تعلیمات میں دونوں گروہوں کے اعتقادات و مذہب کا رنگ موجود تھا۔ بھگت کبیر جو ٠٤٤١ءمیں پیدا ہوئے۔ اسی گروہ سے تعلق رکھتے تھے اور ان کی تحریک اتحاد بھگتی تحریک کے نام سے مشہور ہے۔
تحریک تصوف کی تاریخ میں بھگتی تحریک کو اس لیے اہمیت دی جاتی ہے کہ اس کے ذریعے ہندوستانی خیالات و معتقدات مشاغل اور یوگ کے طریقے یعنی حبس دم وغیرہ صوفیوں میں راہ پا گئے۔ قادری سلسلے نے تصوف اسلامی سے ان تمام باتوں کو جن کا دین سے کوئی تعلق نہیں کلی طور پر نکال باہر کیا۔
تصانیف:دین اسلام کی حفاظت و مدافعت کے لیے جناب جیلانی نے جو کتابیں تصنیف کیں ان کی حیثیت بجا طور پر حصار دین و فصیل ملت کی ہے۔ آپ کی سب سے پہلی کتاب غنیتہ الطالبین ہے۔ اس میں احکام شرع بیان کئے گئے ہیں اوران کی توضیح بھی کی گئی ہے۔ اس کے علاوہ دیگر مسائل پر بھی روشنی ڈالی گئی ہے۔ دوسری کتاب فتوح الغیب ہے جس میں آپ نے مضامین تصوف نہایت عالمانہ انداز میں پیش کیے ہیں ۔ تیسری کتاب فتح ربانی ہے جس میں آپ کے مواعظ حسنہ و خطبات عالیہ ملتے ہیں۔ انہیں آپ کے نواسے جناب سید عفیف الدین مبارک نے مرتب کیا ہے۔
مکتوبات سبحانی: اس میں آپ کے وہ خطوط جمع کئے گئے ہیں جو آپ نے وقتاًفوقتاً پندو نصالح کی غرض سے مختلف لوگوں کو لکھے تھے۔
قصائد:اس میں آپ کے چودہ قصیدے ہیں اس کے علاوہ آپ کا ایک فارسی دیوان ہے منجملہ ان کے آ پ کی کچھ اور کتابیں بھی ہیں جن میں زیادہ تر مشہور وہی ہیں جن کا اوپر ذکر کیا جا چکا ہے۔
ازواج و اولاد:آپ نے مختلف اوقات میں چار شادیاں کیں جن سے کل بیس لڑکے اور انتیس لڑکیاں پیدا ہوئیں آپ نے اپنی اولاد کی تعلیم و تربیت پر خصو صیت کے ساتھ توجہ فرمائی جس سے آپ کی اولاد نے علم و فضل کی دنیا میں بڑا نام پایا ان میں سے چند ایک کے اسمائے گرامی یہ ہےں ۔
١۔شیخ سیف الدین عبدالوہاب ٢۔ شیخ عبد الر زاق تاج الدین
٣۔شیخ شر ف الدین عیسیٰ ٤۔شیخ ابواسحاق ابراہیم
٥۔شیخ ابو بکر عبد العزیز ٦۔شیخ یحیٰ
٧۔شیخ عبد الجبار ٨۔شیخ محمد موسیٰ
ٍٍ ٩۔شیخ محمد
خدام و خلفائ:سلسلہ قادریہ کے خدام خلفاءکی تعداد یوں تو ہزاروں تک پہنچتی ہے ۔ مگر ان مین سے جن کو اسلام کے پھیلانے میں شہرت دوام حاصل ہوئی ان میں سے چند ایک مشاہیر کرام کے اسمائے گرامی یہ ہیں ۔ شیخ ابو البقا ابو الحسن ،مفتی عراق قاضی
ابو طالب عبد الر حمٰن ،شیخ امام موفق الدین، قاضی ابو العباس احمد ، شیخ ابو محمد عبداللہ بن خشاب، شیخ قاضی ابو العلی، شیخ ابو السعود احمد بن ابی بکر حریمی عطار، علامہ ابو بکر عبد اللہ بن نصر، شیخ شہاب الدین سہروردی ان بزرگوںکے علاوہ اور بھی بہت سے بزرگ ہیں جن کو آپ کے سلسلے سے فیض حاصل ہوا آپ کا قاعدہ تھا کہ اپنے مریدین و خلفاءکو ممالک اسلامیہ میں مسلمانوں کے اتحاد و اتفاق اور دوسرے شہروں میں اسلام کی تبلیغ کے لئے روانہ کرتے۔ اور چلتے وقت انہیں حسب ذیل ہدایات فرماتے۔
١۔ حاکموں اور امیروں کی ملازمت نہ کرنا۔
٢۔ کسی امیر سے وظیفہ نہ لینا۔
٣۔ کتاب اللہ اور سنت رسول کی مکمل پیروی کرنا۔
٤۔ شریعت کی حدود سے کبھی آگے نہ بڑھنا۔
٥۔ زندگی نہایت سادگی سے بسر کرنے کو اپنا شعار بنانا۔
وفات: تبلیغ اسلام اور مدافعت دین کے لیے آپ نے ١٢٥ہجری میں وعظ کہنا شروع کیا جو ١٦٥ہجری یعنی آپ کے انتقال تک چالیس برس جاری رہا ۔ اس مدت میں سینکڑوں یہودیوں اور عیسائیوں نے آپ کے دست حق پرست پر اسلام قبول کیا ہزاروں مسلمانوں کے ایمان تجدید اور عقائد کی اصلاح ہوئی بہت سے شاگرد پیدا کئے جو مشاہیر کی فہرست میں شمار ہوتے ہیںکئی جماعتیں دیگر ممالک میں اسلام کو پھیلانے کے لیے تیار کیں ۔ موصل حلب ، دمشق، تبریز ، ہمدان، طوس، بسطام، الحطیف اور کوفہ وغیرہ میں قادری سلسلے کے مدرسے قائم ہوئے۔ غرض احیائے اسلام و تبلیغ دین میں کوشش کرتے جب آپ اکیانوے برس کے ہوئے اور آپ کی تمام کوششیں با آور ہوئیں تو اللہ تعالیٰ نے اپنی بارگاہ میں اس دنیائے فانی سے آپ کو واپس بلا لیا۔ آپ ١٦٥ءمیں چند روز صاحب فراش رہ کر راہی دارالبقا ہ ہوئے آپ نے بغداد میں وفات پائی وہیں آپ کا مزار پر انوار مرجع خلائق ہے۔
اقوال:١۔ مالدار بننے کی آرزو نہ کرو۔ ابوالہوس مت بنو مالدار اور فقیر اور بے نوا کے درمیان امتیاز مت رکھو۔
٢۔عمل کے بغیر علم مطلق فائدہ نہیں پہنچاتا۔ عامل بنوجان بوجھ کر جاہل نہ بنو۔ عالم باعمل نائب خدا ہے۔
٣۔

اپنے جائز کسب سے کمائو۔ دین کے ذریعے سے ہر گز نہ کمائو۔ جائز کمائو اور کھائو۔ اور اس سے دوسروں کی غمخواری بھی کرو۔
٤۔ اللہ سے بندوں کا شکوہ نہ کر۔ جب تک زندگی کا دروازہ کھلا ہے اسے غنیمت جانو۔
٥۔ایمان والوں کی آزمائش ہوتی ہے۔
٦۔خدمت کرو مخدوم بن جائو گے۔
٧۔افسوس اس شخص پر جس نے قرآن تو حفظ کیا مگر اس پر عمل نہ کیا۔
٨۔باطن کا جہاد ظاہر کے جہاد سے زیادہ سخت ہے۔
٩۔دنیا تمہارے ہاتھ میں تور ہے مگر دل پر اس کا قبضہ نہ ہونے پائے۔ دل کو اللہ کی یاد سے آباد کرو۔ اللہ ہی کی محبت کا تمہارے دل پر قبضہ ہو۔