کوئی زنجیر
آہن کی چاندی کی روایت کی
محبت توڑ سکتی ہے

یہ ایسی ڈھال ہے جس پر
زمانے کی کسی تلوار کا لوہا نہیں چلتا

یہ ایسا شہر ہے جس
میں کسی آمر کسی سلطان کا سکہ نہیں چلتا

اگر چشم تماشا میں ذرا سی بھی ملاوٹ ہو
یہ آئینہ نہیں چلتا

یہ ایسی آگ ہے جس میں
بدن شعلون میں جلتے ہیں تو روہیں مسکراتی ہیں

یہ وہ سیلاب ہے جس کو
دلوں کی بستیاں آواز دے کر خود بلاتی ہیں

یہ جب چاہے کسی بھی خواب کو تعبیر مل جائے
جو منظر بجھ چکے ہیں انکو بھی تنوریر مل جائے

دعا جو بے ٹھکانہ تھی اسے تاثیر مل جائے
کسی رستے میں رستہ پوچھتی تقدیر مل جائے

محبت روک سکتی ہے سمے کے تیز دھارے کو
کسی جلتے شرارے کو، فنا کے استعارے کو

محبت روک سکتی ہے کسی گرتے ستارے کو
یہ چکنا چور آئینے کے ریزے جوڑ سکتی ہے

جدھر چاھے یہ باگیں موسموں کی موڑسکتی ہے
کوئی زنجیر ہو اس کو محبت توڑ سکتی ہے