Urdupower Net Work/www.urdupower.com/power of the truth/URDU/Kids/Children/Stories/Bismaillah


Telephone:- 1-514-970-3200	Email:-jawwab@gmail.com


تاریخ اشاعت:۔06-09-2010
اللہ میاں کا فون نمبر


اسٹیج ڈرامہ افراد ماں چچا احمد (عمر : 10 سال) حمیدہ (عمر : 8 سال) دروازے کی گھنٹی کی آواز ماں : (دور سے) ارے بیٹے احمد ، دیکھنا کون ہے دروازے پر ؟ احمد : (دُور سے) امی ! ہم ذرا ٹیلی فون کر رہے ہیں۔ منی بہن تم دیکھ لو ذرا ۔ حمیدہ : اچھا اچھا ، دیکھتی ہوں۔ دروازے کی گھنٹی کی آواز دوبارہ آتی ہے ماں : منی ! حمیدہ : (دور سے) دیکھ رہی ہوں امی ۔ دروازہ کھولنے کی آواز چچا جان : (گھر میں داخل ہوتے ہوئے) السلام علیکم ! تینوں : وعلیکم السلام ! ماں : ( آ کر بیٹھتے ہوئے) بھائی میں ذرا روٹی ڈال رہی ہوں۔ تم بھی کھانا کھا کر ہی جانا ۔ اب وقت تو ہو ہی رہا ہے کھانے کا ۔ چچا جان : آپ اطمینان سے روٹی پکائیں ، میں اتنے میں بچوں سے گپ شپ کرتا ہوں۔ ہاں جناب احمد صاحب کس کو فون ہو رہا ہے؟ حمیدہ : ایسے ہی اِدھر اُدھر کے دوستوں کو کرتے رہتے ہیں۔۔۔ احمد : اِدھر اُدھر کے دوستوں کو کیوں کرتا ۔ اسلم کو کر رہا تھا ۔ اٹھا ہی نہیں رہا کوئی۔ چچا جان : (ہنستے ہوئے) اسلم ادھر اُدھر کا نہیں ؟ نہ اِدھر کا نہ اُدھر کا؟ احمد : نہیں چچا جان ، ہمارا مطلب ہے وہ تو ہمارا پکا دوست ہے نا۔۔۔ حمیدہ : آپ کے تو سبھی پکے دوست ہیں ، سبھی کو فون کرتے ہیں آپ۔۔۔ احمد : جی نہیں سب پکے نہیں ہیں ۔ اسلم سب سے پکا ہے ۔ چچا جان : اچھا چلو یہ بتاؤ ، سب سے پکا دوست کون ہوتا ہے؟ احمد : کون ہوتا ہے یعنی کیا مطلب ؟ چچاجان : یعنی ، مطلب یہ کہ سب سے پکے دوست کی کیا کیا خوبیاں ہوتی ہیں؟ احمد : وہ جو ساتھ پڑھتا ہو ، ساتھ کھیلتا ہو۔۔۔ چچا جان : اور۔۔۔ احمد : اور۔۔۔اور آپ بتلائیے۔۔۔ حمیدہ : عید کارڈ بھیجتا ہو۔۔۔ہماری پکی دوست سمیعہ ہے۔ اس نے ہمیں اتنا خوبصورت عید کارڈ بھیجا ہے۔
اگلا صفحہ پچھلا صفحہ