اعوذ             باالله من             الشيطن             الرجيم                بسم الله             الرحمن             الرحيم                الحمد لله              رب             العالمين .             الرحمن             الرحيم . ملك             يوم الدين .             اياك نعبد و             اياك             نستعين .             اهدناالصراط             المستقيم .             صراط الذين             انعمت             عليهم '             غيرالمغضوب             عليهم             ولاالضالين

                    

 اگر آپ پڑھنے میں دشواری  محسوس کر رہے ہیں تو فونٹ ڈاون لوڈ کیجے۔۔۔

www.urdupower.com/power of the truth E-mail:jawwab@gmail.com     Tel:1-514-250-3200 / 0300-585-2143       Fax:1-240-736-4309
 
  ممتازمفتی پراني شراب نئي بوتل
  احسان علی
 
آپا
 
 
 
     
پراني شراب نئي بوتل
گھر ميں وہ روز ہي ملتے تھے ۔ وہ روز آجاتا تھا۔ نہ آتا تو عمران پکڑنے آتا۔ ممي آواز دے کر بلا ليتي ۔ ممي کے لئے تو وہ گھر کا فرد بن چکا تھا ۔ ممي پہلے روز ہي سمجھ گئي تھي کہ وہ نمي ميں انٹرسٹڈ تھا۔ نراگڈ ٹائمز نہيں۔ وہ تو خوش تھي پڑھا لکھا لڑکا اور چھوٹتے ہي افسر، کيرئر بہت بالکل جديد طرز کي۔ اور پھر انڈر يپينڈنٹ۔ چچا کے گھر ميں صرف الاٹ منٹ کے انتظار ميں بيٹھا ہے پتہ نہيں کس روز مل جائے۔ آخر نمي کي شادي تو ہوني ہي تھي۔ ايم اے کر چکي تھي۔ رشتے تو آئے تھے ليکن وہ سبھي شوشل قسم کے تھے يہ تو جوڑ کا تھا۔
ڈيڈي بھي خوش تھے ۔انہوں نے پہلے روز ہي بھانپ ليا تھا کہ لڑکا سيريس ہے بيماري لگا بيٹھا ہے ان کي ساري ہمدردياں امجي کے ساتھ تھيں۔ کيسے نہ ہوتيں۔ وہ خود سيريس کي بيماري میں مبتلا تھا۔ بہر طور وہ بے نياز قسم کا آدمي تھا بات بن گئي تو اوکے نہیں تو کے ۔جي او يس تو ہے ہي ، بڑ ا افسر ہے پيچھے مربعے ہيں۔ صرف يہي نا کہ ادھيڑ عمر کا ہے ،بال جھڑ چکے ہيں ليکن نمي کو اپنانے کے لئے کتنا بے تاب ہے۔ حکومت کرے گي عيش کرے گي۔ بياہ ا سلئے تو کيا جاتا ہے۔
اس کے بعد امجي اور نمي بہت سي ملاقيں ہوئيں ۔ ہوٹلوں ميں پارکوں ميں سنيما گھروں ميں ، انہوں نے شاپنگ کي ، ڈرائيونگ پر گئے۔ پک نک اسپاٹ ديکھے ان ملاقاتوں ميں امجي نے طرح طرح کے حربے آزمائے کہ نمي اس سے اظہار محبت کرے۔ نمي اس ضد پر اڑي رہي کہ امجي کے سر سے عشق کا بھوت اتر جائے۔ اور وہ سيدھا بوائے فرينڈ بن جائے۔
جب بھي وہ شاپنگ پر جاتے امجي کوئي نہ کوئي تحفہ نمي کے لئے خريد ليتا۔ ايک دن اس کي ممي نے کہا نمي تو نے اسے کوئي تحفہ نہيں ديا يہ کيا بات ہوئي بھلا۔ نمي نے سوچا کوئي ايسا تحفہ دوں کہ جل کر راکھ ہو جائے۔ مطلب جلانا نہيں تھا۔ بلکہ اشارتا سمجھا نا تھا کہ مرد بون آہيں بھرنا چھوڑو دو۔ آنکھيں بنانا بے کار ہے ۔ بھکاري نہ بنو۔ چھين کر لينا سيکھو۔ اس نےسوچ سوچ کر ايک چارم خريد ا ، ايک روپيلا برسٹ جو کلائي پر چوڑي کي طرح پہنا جاتا ہے۔امجي اس چارم کو ديکھ کر بہت خوش ہوا سمجھا شايد نمي کے دل ميں اس کيلئے جذبہ پيدا ہو گيا ہے۔اسے قطعا خيال نہ آيا کہ کيپ سيک کے پردے میں نمي اسے چوري پہنا رہي تھي۔ بحر حال اس نے بڑي خوشي سے وہ چوڑي پہن لي۔
اسي شام وہ دونوں ڈرائيونگ کے لئے جا رہے تھے دفعتا ايک ويران جگہ پر امجي نے گاڑي روک لي۔ نمي کا دل خوشي سے اچھلا۔ اس سے پہلے ڈرائيونگ کے دوران کئي بار اسے خيال آتا تھا کہ امجي گاري روک لے گا۔ ويران جگہ گاڑي روکنے کي بات تو فيشن تھي۔ کريز تھا ۔يو يوال تھا۔ اس يو وال سے وہ اچھي طرح واقف تھي۔ ليکن امجي نے کبھي گاڑي نہ روکي تھي۔

 
 اگلا صفحہ      پچھلا صفحہ
 
 

Advertise

 Privacy Policy

Guest book

 Disclaimer Terms Our Team