سانحہ ماڈل ٹاؤن پر ڈاکٹرطاہرالقادری کی جماعت پاکستان عوامی تحریک کی آل پارٹیز کانفرنس آج لاہور میں ہوگی جس میں 40 سے زائد جماعتیں شرکت کریں گی۔
آل پارٹیز کانفرنس میں پیپلزپارٹی، پاکستان تحریک انصاف، مسلم لیگ ق، ایم کیوایم ، پی ایس پی، ایم ڈبلیو ایم سمیت دیگر مذہبی جماعتوں کے نمائندے بھی شریک ہوں گے۔
سانحہ ماڈل ٹاؤن متاثرین کوانصاف دلوانے کے لیے لائحہ عمل کا اعلان ہوگا جبکہ اے پی سی کے اختتام پرمشترکہ اعلامیہ جاری کیا جائے گا۔
ہ گزشتہ روز سابق صدر آصف علی زرداری کا کہنا تھا کہ شہباز شریف اور رانا ثنا اللہ کو ماڈل ٹاؤن سانحے کا حساب دینا ہوگا، وہ تحقیقات پراثرانداز ہوئے، انہیں استعفیٰ دینا پڑے گا۔
یاد رہے کہ گزشتہ ہفتے پاکستان عوامی تحریک کے سربراہ ڈاکٹر طاہرالقادری نے آل پارٹیز کانفرنس کی تاریخ تبدیل کرکے 28 کی بجائے 30 دسمبرطے کی تھی۔
