چیئرمین نیب نئے وزیر ریلوے خواجہ سعد رفیق کے خلاف ریلوے آلات کی تنصیب میں بدعنوانی کی تحقیقات کا حکم دے دیا۔
قومی احتساب بیورو( نیب) کے اعلامیے کے مطابق چیئرمین جسٹس ریٹائرڈ جاوید اقبال کی زیرصدارت نیب ہیڈکوارٹرز میں اجلاس ہوا جس میں وزیر ریلوے سعدرفیق، ممبر قومی اسمبلی نواب وسان اور وزیر قانون خیبرپختونخوا امتیاز شاہد قریشی کے خلاف تحقیقات کا فیصلہ کیا گیا ہے۔
نیب نے بتایاہےکہ خواجہ سعد رفیق پر ماڈرن کمپوٹربیس انٹرلاکنگ سسٹم میں بدعنوانی کاالزام ہے جسکی تحقیقات کا حکم دیا گیا ہے۔
اعلامیے کے مطابق ریلوے سکھرڈویژن کے افسران کے خلاف بھی آلات کی خریداری میں خردبردکی جانچ پڑتال ہوگی جب کہ ٹنڈوآدم تا روہڑی کمپیوٹر بیسڈانٹرلاکنگ سسٹم لگانے میں بدعنوانی کی شکایت پر بھی تحقیقات کی جائیں گے۔
اس کے علاوہ چیئرمین نیب نے پیپلزپارٹی سے تعلق رکھنےوالے ممبر قومی اسمبلی نواب وسان کے خلاف آمدن سے زائد اثاثے بنانے کے الزام اور امتیاز شاہد قریشی کے خلاف 111 افراد کی غیر قانونی تقرری کی جانچ پڑتال کا حکم دیا ہے۔
