ان کے اس دعوے کے پیش نظر پاکستانی میڈیا کا کہنا تھا کہ وزیر اعلیٰ پنجاب شہباز شریف منی لانڈرگ میں ملوث ہیں اور جیانگسو کے ذریعے انہوں نے بھاری رقم کو چین منتقل کیا۔
واضح رہے کہ شہباز شریف نے میڈیا رپورٹس کی مذمت کرتے ہوئے کچھ میڈیا اداروں کو جھوٹی خبر چلانے پر قانونی نوٹس بھی بھیجا تھا۔
منی لانڈرنگ کے حوالے سے اس معاملے کو وفاقی تحقیقاتی ادارے (ایف آئی اے) اور سکیورٹیز اینڈ ایکسچینج کمیشن آف پاکستان (ایس ای سی پی) بھیج دیا گیا تھا تاہم بعد ازاں نیب کے ملتان ونگ نے بھی اس معاملے پر تحقیقات کا آغاز کیا۔
خیال رہے کہ پنجاب حکومت نے بھی ان الزامات پر انکوائری کا آغاز کیا تھا جس میں یہ بات سامنے آئی تھی کہ جیانگسو یابیٹ نے کبھی ملتان میٹرو منصوبے کے لیے کام ہی نہیں کیا ہے اور نہ ہی اس منصوبے کے ٹھیکیداروں نے کسی مقام پر اس کمپنی کی خدمات حاصل کیں۔
