مانیں یا نہ مانیں مگر فیس بک، انسٹاگرام، اسنیپ چیٹ اور ٹوئٹر وغیرہ کو آپ دن میں ایک سے زائد بار ضرور کھولتے ہوں گے۔
مگر اس وقت کیا ہوگا جب آپ سوشل میڈیا کا استعمال ترک کرنا چھوڑ دیں گے؟
اگر آپ ایک ہفتے تک بھی کسی طرح فیس بک کو استعمال نہ کریں تو ممکنہ طور پر درج ذیل چیزیں آپ کے ساتھ ہوں گی۔
پہلے تو بہت زیادہ بیزار ہوں گے
ہر پندرہ سے تیس منٹ میں فیس بک یا کوئی سوشل میڈیا دیکھنے کی عادت ترک کرنا آسان نہیں، لہذا آپ شروع میں تو انتہائی بوریت محسوس کریں گے اور ہوسکتا ہے کہ بار بار ای میلز کھول کر دیکھنا شروع کردیں۔
غلطی سے فیس بک اوپن کرلیں گے
ویسے تو ہوسکتا ہے آپ کوئی اور ویب سائٹ کھولنا چاہتے ہوں مگر اچانک ہی سوشل میڈیا ایپس کو اوپن کرلیں، یہ دماغ کا کمال ہوتا ہے جو بار بار کی جانے والی چیز کو دہرانے کا عادی ہوجاتا ہے۔
مگر آپ کو ارگرد کی خوبصورتی کا احساس ہوگا
وقت گزاری کے لیے قدرتی ماحول میں چہل قدمی کریں اور اپنا فون بھی ساتھ نہ رکھیں، یہ ایک خوبصورت اور دماغ کو پرسکون کردینے والا تجربہ ثابت ہوگا۔
غلطیاں کم ہوجائیں گی
جی ہاں سوشل میڈیا سے دوری پر آپ کا شعور زیادہ بیدار رہے گا اور آپ اپنے ارگرد پر زیادہ توجہ مرکوز کرسکیں گے اور مختلف غلطیوں سے بچ جائیں گے۔
مطالعے کے لیے زیادہ وقت
اب چونکہ وقت زیادہ ہوگا تو ہوسکتا ہے کہ مطالعہ آپ کے دل کو بھا جائے اور کیا آپ کو معلوم ہے کہ مطالعے کی عادت سائنسی طور پر زندگی کا دورانیہ بڑھانے کے لیے مددگار ثابت ہوچکی ہے؟
آپ کے پیارے قریب آئیں گے
اگر تو آپ اکثر وقت سوشل میڈیا پر گزارتے ہیں تو ہوسکتا ہے کہ رشتے دار اور دوستوں کے لیے وقت نہ وہتا ہے، مگر وہ آپ کو بھولتے نہیں اور آپ ان کے لیے وقت نکالیں تو وہ کھلے بانہوں سے آپ کا خیرمقدم کریں گے۔
لطف اندوز ہونے کے لیے وقت ملے گا
اچھے نظر آنے والے برگر یا بریانی کی بہترین تصویر لینے کی فکر کی بجائے اسے کھانا آپ کو زیادہ لطف اندوز ہونے کا موقع دے گا۔
ہوسکتا ہے اکاﺅنٹس ڈیلیٹ کردیں
اگر تو آپ کو واقعی یہ تمام خوشگوار تجربات ہوئے تو ہوسکتا ہے کہ آپ فیس بک کا اکاﺅنٹ ڈیلیٹ ہی کردیں۔
