تبو نے شادی نہ کرنے کی وجہ اجے دیوگن کو قرار دے دیا

ممبئی(آن لائن نیوز اردو پاور) بالی ووڈ کی نامور اداکارہ تبسم عرف تبو نے اداکاراجے دیوگن پرالزام لگاتے ہوئے کہا ہے کہ انہوں نے آج تک اجے دیوگن کی وجہ سے شادی نہیں کی۔
اداکارہ تبو کا شمار بالی ووڈ کی صف اول کی اداکاراؤں میں ہوتا ہے۔ بے تحاشہ شہرت سمیٹنے والی اداکارہ تبو نجی زندگی میں کافی خاموش طبع ہیں۔ یہ ہی وجہ ہے کہ 45 سال کی عمر ہونے کے باوجود آج تک کوئی نہ جان سکا کہ انہوں نے شادی کیوں نہیں کی لیکن اب انہوں نے خود ہی اس راز پر سے اٹھاتے ہوئے کہا ہے کہ ان کی شادی نہ کرنے کی وجہ کاجول کے شوہر اداکار اجے دیوگن ہیں۔
بھارتی میڈیا کے مطابق ایک انٹرویو کے دوران اداکارہ تبو نے اپنی غیر شادی شدہ زندگی کے راز سے پردہ اٹھاتے ہوئے کہا کہ میں اور اجے گزشتہ 25 برسوں سے ایک دوسرے کو جانتے ہیں، اجے دیوگن میرے کزن سمیر کے پڑوسی تھے اس لحاظ سے ہم دونوں میں بھی بہت اچھی دوستی تھی، ہماری نوجوانی کے دنوں میں میرا کزن اور اجے دیوگن مجھ سے بات کرنے والے تمام لڑکوں کا پیچھا کرتے تھے اور انہیں دھمکاتے تھے۔ کبھی کبھی تو یہ لوگ مجھ سے بات کرنے والے لڑکوں کو مارتے بھی تھے لہٰذا اگر میں آج غیر شادی شدہ ہوں تو اس کی وجہ صرف اور صرف اجے دیوگن ہیں۔
تبو نے کہا کہ اجے بالکل بچوں کی طرح ہیں اور میرا بہت خیال رکھتے ہیں لیکن اب وہ ان کیلئے دولہا تلاش کریں جس کے ساتھ وہ شادی کرسکیں ۔
واضح رہے کہ اجے دیوگن اور تبو ایک ساتھ 23 برس قبل فلم ’’تکشک‘‘ میں نظر آئے تھے دونوں کی جوڑی کو شائقین نے بے حد پسند کیا تھا اور یہ جوڑی ایک بار پھر روہت شیٹی کی مزاحیہ فلم ’’گول مال اگین‘‘ میں نظر آئے گی۔

پنھنجي راءِ لکو