سونو نگم کے بعد شاہ رخ خان کی ساتھی اداکارہ کی بھی اذان سے متعلق ہرزہ سرائی

ممبئی(آن لائن نیوزاردو پاور) بھارتی فلم انڈسٹری کی ناکام اداکارہ سوچیترا کرشنا مورتی نے سونونگم کے نقش قدم پر چلتے ہوئے اذان کو ’’غیر مہذب‘‘ قرار دیتے ہوئے کہا ہے کہ اگر انسان صبح تقریباً 5 بجے کام کرکے گھر واپس آئے تو اذان کی آواز سے بہت پریشانی ہوتی ہے۔
ایسا لگتا ہے بھارتی اداکاروں نے ’’اذان‘‘ کے خلاف مہم شروع کر رکھی ہے؛ ابھی ایک اداکار اذان کے بارے میں نازیبا گفتگو کرکے خاموش نہیں ہوتا کہ دوسرا بول پڑتا ہے۔ کچھ عرصہ قبل گلوکار سونونگم نے ’’اذان‘‘ کو شور قراردیتے ہوئے کہا تھا کہ بھارت سے آخر یہ جبری مذہب پرستی کب ختم ہوگی، ان کی جانب سے کیے گئے اذان مخالف ٹویٹس نے بھارت سمیت پوری دنیا کے مسلمانوں کے جذبات مجروح کیے تھے اور ان کی اس حرکت پرسوشل میڈیا صارفین کے ساتھ بالی ووڈ کی دیگر شخصیات نے بھی انہیں کڑی تنقید کا نشانہ بنایا تھا۔ یہ معاملہ ابھی ٹھنڈا ہوا ہی تھا کہ بالی ووڈ کی ایک اور ناکام اداکارہ اور گلوکارہ سوچیترا کرشنا مورتی نے بھی اذان کی آواز کے خلاف ٹویٹ کرکے ایک بار پھر مسلمانوں کو مشتعل کردیا۔

گزشتہ روز سوچیترا نےاذان مخالف ٹویٹ کرتے ہوئے لکھا کہ جب آپ کام کرکے صبح کے 4:45 پر اپنے گھر آتے ہیں اور آپ کے کانوں میں اذان کی آواز آتی ہے تو بہت پریشانی ہوجاتی ہے۔

Suchitra ✔ @suchitrak
came home at 4.45 am 2 most aggressive/ ear shattering call of azaan. Nothing more lowlife & dumb than such extreme imposed religiousity
5:13 PM – 22 Jul 2017
5,559 5,559 Retweets 7,042 7,042 likes

انہوں نے لکھا کہ میں عبادت، یوگااور ریاض کیلئے صبح اٹھتی ہوں، مجھے اپنے فرض کی ادائیگی کو یاد کرنے کیلئے لاؤڈ اسپیکر کی ضرورت نہیں ہوتی۔

Suchitra ✔ @suchitrak
i wake up at Brahmamuhurt of my own accord & do my prayers & riyaz.& yoga. I dont need public loudspeakers to remind me of my God or my duty https://twitter.com/GhoseGiri/status/889011620055142400 …
11:42 PM – 22 Jul 2017
2,408 2,408 Retweets 3,169 3,169 likes
انہوں نے مزید لکھا کہ کسی کو بھی اذان اور عبادت کرنے کے طریقے پر اعتراض نہیں لیکن صبح کے 5 بجے اگر کوئی شخص اپنے ہمسایوں سمیت اذان کی آوازسے جاگتا ہے تو یہ بہت ’’غیرمہذب‘‘ بات ہے۔

Suchitra ✔ @suchitrak
nobody objects to azaan or prayers during decent hours. But to be wakung up entire neighbourhood at 5 am is not civilized https://twitter.com/muralidg/status/889012354477772800 …
11:46 PM – 22 Jul 2017
137 137 Retweets 272 272 likes
سوچیترا کی جانب سے کیے جانے والے ٹویٹس پر بھارتی سماج وادی پارٹی کی لیڈر جوہی سنگھ نے طنز کرتے ہوئے کہا، ’’مجھے سمجھ نہیں آتا کہ ہمارے ارد گرد کس طرح کے لوگ موجود ہیں جو بولنے سے پہلےایک بار بھی نہیں سوچتے کہ ان کے جانب سے دیئے جانے والے بیانات کا اثر لوگوں پر کس طرح ہوگا۔‘‘ انہوں نے کہا شاید اداکارہ کی نیند ’’اذان‘‘ سے زیادہ اہم ہے جبھی تو انہیں اذان کی آواز سے تکلیف ہوتی ہے۔
واضح رہے کہ سوچیترا کرشنا مورتی نے 1994 میں ریلیز ہوئی فلم ’’کبھی ہاں کبھی ناں‘‘ میں بھارتی سپراسٹار شاہ رخ خان کے مقابل مرکزی کرداراداکیا تھا، تاہم وہ اس فلم کے علاوہ بالی ووڈ میں کوئی قابل ذکر کام نہ کرسکیں۔ آج ان کا شمار بالی ووڈ کی ناکام ترین اداکاراؤں میں ہوتا ہے جو میڈیا میں نظر آنے کیلئے مختلف حربے آزماتی ہیں۔

اپنا تبصرہ بھیجیں

This site uses Akismet to reduce spam. Learn how your comment data is processed.