تفصیلات کے مطابق کراچی کی احتساب عدالت نے سابق صوبائی وزیر شرجیل میمن کے ساتھی اور پونے چھ ارب کی میگا کرپشن میں ملوث ملزمان انعام اکبراور یوسف کامبورو کو جیل بھیج دیا، دونوں ملزمان کو گزشتہ روزسپریم کورٹ سے ضمانت مسترد ہونے پراحاطہ عدالت سے گرفتارکیا گیا تھا۔
ملزمان کی اسلام آباد سے کراچی منتقلی کے بعد آج عدالت میں پیشی کے موقع پر پولیس نے اقرباء پروری کا مظاہرہ کرتے ہوئے دونوں ملزمان کو بغیر ہتھکڑی لگائے پیش کیا جس پر عدالت نے تفتیشی افسر کی سرزنش کی۔
مرکزی ملزم انعام اکبر نے پہلی پیشی پر ہی میڈیکل چیک اپ اور جیل میں بی کلاس کی درخواست دے دی، ملزم نے کہا کہ اسے ہائی بلڈپریشر اور دیگر بیماریاں لاحق ہیں۔
