تفصیلات کے مطابق اسلام آباد ہائی کورٹ میں پیپلزپارٹی کے رہنما بیرسٹراعتزاز احسن نے صحافیوں سے غیررسمی گفتگو کرتے ہوئے کہا کہ مسلم لیگ (ن) کا ووٹ بینک نواز شریف ، مریم نواز کے ساتھ ہے۔
اعتزاز احسن نے کہا کہ جب کوئی چوراوچکے کی بات ہوتی ہے تو مریم نواز اپنے بابا پرلے لیتی ہیں۔
انہوں نے کہا کہ مریم کو کسی طرح خیال آیا چور اوچکے کہا جائے تو یہ ان کے والد کا ذکر ہے، لگتا ہے انہیں یقین ہے چور ڈاکو کوللکارا جائے تو ان کے والد کا نام لیا جا رہا ہے۔
اعتراز احسن نے کہا کہ مسلم لیگ ن گالم گلوچ بریگیڈ ہے، نواز شریف اورمریم نوازبھی اسی بریگیڈ کا حصہ بن چکے ہیں۔
پیپلزپارٹی کے رہنما نے کہا کہ شاہد خاقان عباسی اسی ٹرک پردوبارہ سوارہونا چاہ رہے ہیں، وزیراعظم کو لگ رہا ہے انہیں کئی معاملات پراعتماد میں نہیں لیا جارہا۔
