یونیورسٹی آف تہران کے اطراف میں سیکڑوں لوگوں کی پولیس کے ساتھ جھڑپ ہوئی اور انہوں نے کئی گھنٹوں تک حکومت مخالف مظاہرے کیے جس کے باعث اطراف کی سڑکوں پر ٹریفک کا نظام دھرم بھرم ہوگیا۔
ایرانی حکام نے اپنی طاقت کا بھر پور مظاہرہ کرتے ہوئے سیکیورٹی اہلکاروں نے یونیورسٹی کے داخلی راستے کا کنٹرول سنبھال لیا اور ’سرکشوں کی موت‘ کے نعرے لگائے۔
سماجی رابطوں کی ویب سائٹ پر جاری ہونے والی ویڈیو میں دیکھا جاسکتا ہے کہ ہزاروں کی تعداد میں لوگوں نے کئی شہروں میں پُر امن ریلی نکالی اور ’آمر کی موت‘ کے نعرے بھی لگائے۔
