ہونٹوں کو خوبصورت بنائیے

فیشل اور چہرے کی خوبصورتی

پرکشش اور جواں نظر آنے کیلئے

ہونٹوں کي خوبصورتی کے لئے نسخے۔

آپ پرکیساہئیر سٹائل اچھا لگےگا؟

پرفیومز کا استعمال احتیاط کا متقاضی

لوشن کا استعمال اور فائدے

مارکیٹ میں مختلف قسم کے لوشن د ستیاب ہیں۔ جسم کے مختلف حصوں کے لئے مختلف قسم کے لوشن استعمال کئے جاتے ہیں۔ مثلاً چہرہ کے لئے کلینزنگ لوشن، فریشنز ، ایسٹرنجنٹ لوشن ، مونچھوں کے لئے آفٹرشیولوشن، ہاتھوں کے لئے ہینڈلوشن ، جسم کے لئے سن ٹین لوشن ، مہاسوں کے لئے اینٹی ایکنی لوشن وغیرہ ۔


اس مضمون میں ہم مارکیٹ میں دستیاب مختلف قسم کے لوشنوں کا تجزیہ کرکے دیکھیں گے کہ ان کا مصروف کیا ہے، وہ ہماری روزمرہ کی زندگی میں کیا اہمیت رکھتے ہیں اور ہمیں کیا فائدہ پہنچاتے ہیں؟

کلینزنگ لوشن

کلینزنگ لوشن چہرہ کی صفائی کے لئے بہت مقبول ہوچکے ہیں، خاص طور سے پلاسٹک کی بوتلوں کے متعارف ہونے کے بعد ان مقبولیت میں زیادہ اضافہ ہوا ہے۔ مقبولیت کی ایک دوسری وجہ یہ ہے کہ کریم کے مقابلہ میں یہ زیادہ آسانی سے اور ہموارطریقہ سے لگائے جاسکتے ہیں۔ کریم کی مانند لوشن کو موٹی تہہ میں لگانے کی ضرورت نہیں۔ اس لئے یہ زیادہ سستے اورباکفایت پڑتے ہیں۔ یہ لوشن عام طور سے دو قسم کے ہوتے ہیں۔ پہلی قسم ایملشن یا ڈیٹرجنٹ اور پانی محلول ہے اوردوسری قسم پانی اور روغنیات کا ایملشن ہے ۔ لوشن کا مستحکم یا پائیدار بنانا ایک مسئلہ ہے، اور اسی لئے ان کی تیاری میں بہت سی مشکلات پائی جاتی ہیں ۔ تیار کرتے وقت ان کے اجزاءکو متوازن رکھنا بہت ضروری ہے ۔ ان کے تناسب کی ذراسی بھی تبدیلی لوشن کو ناپائیدار بنادیتی ہے۔ ان کی چپ چپاہٹ کو کنٹرول کرنا بھی پیچیدہ مسئلہ ہے۔ خاص طور سے تیل اورپانی کے محلول والے کلینزنگ وقت گزانے کے ساتھ ساتھ زیادہ ہوجاتے ہیں اور وہ قابل استعمال نہیں رہتے۔ ایسٹرنجنٹ میں عموماً الکوحل ، بورک ایسڈ ، پھٹکری، مینتھال اور اس جیسی دوسری اشیاءشامل کی جاتی ہیں۔ ان کے استعمال سے آپ کی جلد تازگی محسوس کرتی ہے اور اس میں سختی آ جاتی ہیں۔

ایسٹرنجنٹ کو بھی مختلف اقسام میں تقسیم کردیا گیاہے۔ مثلاً پورلوشن، ریفائٹنگ لوشن اورٹونر وغیرہ ۔ اس کا مقصد آپ کو اس بات پر قائل کرنا ہے کہ یہ الکحل کے مقابلہ میں زیادہ بااثر ہیں اور انہیں مختلف مقاصد کے لئے بنا یا گیا ہے۔ اچھے معیاری ایسٹرنجنٹ کے استعمال سے آپ کو اپنے مسام سکڑ کر چھوٹے محسوس ہوں گے چنانچہ چکنی جلد کے لئے یہ بہت فائدہ مند ہیں۔یہ جلد کی سطح سے بڑے ڈرامائی انداز میں تیل اورگریس کو اپنے اندر جذب کرلیتے ہیں، اوراسی لئے چکنی جلد کے لئے مفید ہیں۔ بوتل کے لیبل پر بھی گئی تحریر کے برعکس آپ کو یہ ایسٹرنجنٹ پورے چہرے پر لگانے کی ضرورت نہیں۔ انہیں صرف مخصوص مقامات پرلگانا چاہئے۔ البتہ اگر آپ کا پورا چہرہ چکنا ہے تو دوسری بات ہے۔ ایک بات ضرور ذہن نشین رکھیں، وہ یہ کہ اگر چہ ایسٹرنجنٹ چکنا ہٹ کو دور کرتے ہیں، لیکن ان کا اثر محض عارضی ہوتا ہے کیونکہ وہ جلد کے نیچے چکناہٹ پیدا کرنے والے غدود کی کار کردگی پراثر انداز نہیںہوتے۔ ان میں موجودالکحل مساموں کو تنگ کرتے وقت جلد پر جلن کا احساس بھی پیدا کرتے ہیں،الکحل میں موجود بخارات بن کر اڑ جانے کی صفت کے باعث آپ کو جلد پر ٹھنڈک اور تازگی کا احساس ہوتا ہے۔

ایک احتیاط ضرروی ہے وہ یہ کہ ایسٹرنجنٹ کا ضرورت سے زیادہ استعمال جلد میں خشکی پیدا کرتا ہے ،جو ایک تکلیف دہ عمل ہے۔ خوشبو والا ایسٹرنجنٹ آپ گھر پر بھی تیار کر سکتی ہیں۔ نیبوکا چھلکا لے کر تھوڑے سے الکحل میں پیس لیں اوراس میں کوئی خوشبو ملاکر ویچ ہیزل کی بوتل میں رکھ لیں۔ گھر میں تیار ہونے والے اور کمرشل سطح پر بازار میں ملنے والے ایسٹرنجنٹ میں صرف خوشبو اورپیکنگ کا فرق ہوتاہے۔

ٹوننگ لوشن

آپ کی جلد کے لئے ٹوننگ ضروری ہے۔ اس کے استعمال سے جلد کے مسام تنگ ہوجاتے ہیں۔ جلد میں جان پڑ جاتی ہیں۔ اس میں تازگی آجاتی ہے، اور جلد پر پڑی ہوئی لکیریں اورجھریاں عارضی طور پر کم نمایاں ہونے لگتی ہیں۔ ان اثرات کو حاصل کرنے کے لئے مختلف اقسام کی جلدوں کے لئے مختلف اقسام کے ٹوننگ لوشن مارکیٹ میں دستیاب ہیں۔ فریشز فریشز بھی ایک لحاظ سے ایسٹر نجنٹ سے مشابہ ہیں ، کیونکہ ان میں بھی الکحل شامل ہے۔ الیکن خفیف مقدار میں۔ نارمل اور خشک جلد کے لئے ایسٹرنجنٹ کے مقابلہ میں فریشز کا استعمال بہتر ہے، کیونکہ اس الکحل کی مقدار بہت کم ہوتی ہے یابالکل نہیں ہوتی۔ فریشزکا اثر بھی جلد پروہی پڑتا ہے جوایسٹرنجنٹ کا ہوتاہے ۔ یہ بھی جلد میں ٹھنڈک پیدا کرتے ہیں، اس میں تازگی آتی ہے اوراسے تان کر سخت بنا دیتے ہیں۔

کلیرے فائینگ لوشن

کلیرے فائینگ لوشن بھی ایک قسم کا ٹونر ہوتاہے ۔ اس کے لگانے سے جلد کی اوپری سطح پر پائے جانے والے مردہ خلئے اورمیل کچیل صاف ہو کرجلد چکنی اور ہموار ہو جاتی ہے۔ اس میں شامل اجزاءکے نام یہ ہیں۔ پانی ،الکحل ، گلیسرین اور کیمیائی شے جو کیراٹین کو کاٹ کرصاف کردیتی ہے۔ کیراٹین وہ شے ہے جو جلد کے بالائی حصہ کی تشکیل کرتی ہے۔ کلیرے فائینگ لوشن میں وافر مقدار میں الکحل شامل کی جاتی ہے، اور یہ تاثیر میں تیز قسم کا (Alkali) ہوتاہے۔ اس لئے اگرآپ ایسٹرنجنٹ اورفریشنر کے استعمال سے مطمئن ہیں توپھر کلیرے فائینگ لوشن کا استعمال ہرگز نہ کریں۔ تاہم اگر اس کے استعمال پر مجبور ہی ہوجائیں تو خریدنے سے قبل لیبل پر لکھے ہوئے اس کے اجزاءکا بغور مطالعہ ضرورکرلیں۔ تمام موسچرائزنگ لوشن بنیادی طور پر روغنیات سے ہی بنائے جاتے ہیں، چاہے ان کے لیبل پر کچھ ہی کیوں نہ لکھا ہو۔ تاہم سخت جلد میں بھگونے سے ملائم نہیں ہوجاتی۔ دراصل جلد پر لگانے کے بعد یہ لوشں جلد کی خشکی کو عارضی طورپر ایک دوسرے میں پیوست کردیتی ہے، اور جلد نمی کو بخارات بن کراڑنے سے روک دیتی ہے ۔ یہی موسچرائزر کااصول ہے۔ جلد کی نمی کو عارضی طورپر قائم کر وہ خشکی ، روکھے پن اور جلد کی سختی سے نجات دلادیتی ہے۔ بہت زیادہ چکنی جلد رکھنے والے خواتین ہلکا اوربغیر چکناہٹ ، والا موسچرائزنگ لوشن استعمال کریں، جو تازگی پیدا کرتا ہے اور آپ کی جلد میں نمی کی مناسب مقدار برقرار رکھنا ہے۔

خشک جلد کی حامل خواتین موسچرئزنگ لوشن سے سکون محسوس کریں گی ۔ تاہم بہت سی خوتین کو یہ غلظ فہمی پیدا ہوجاتی ہے کہ ان کی جلد خشک ہے۔ اور وہ اس کا یہی حل سمجھتی ہیں کہ زیادہ سے زیادہ موسچرائزنگ لوشن کا ستعمال کرنا شروع کردیتی ہیں کہ وہ جلد کی حفاظت کررہی ہیں۔ اس کے نتیجہ میں ان کی جلد مہاسوں کا شکار ہوجاتی ہے۔